O‘zbekiston futzal terma jamoasi bosh murabbiyi Bahodir Ahmedov Jahon chempionatining nimchorak finali doirasidagi Eronga qarshi o‘yindan (8:9) so‘ng o‘z fikrlari bilan o‘rtoqlashdi.
O‘yin haqidaShuningdek, terma jamoa a’zosi Dilshod Rahmatov ham o‘z fikrlarini bildirib o‘tdi.Eron terma jamoasi juda kuchli jamoa. Dunyo bo‘yicha 3—4-o‘rinlarda turadigan yetakchi terma jamoalardan biri hisoblanadi. Orqa chiziqda qilgan xatolarimiz va o‘z imkoniyatlarimizdan foydalana olmaganimiz sababli mag‘lubiyatga uchradik.
Musobaqa haqidagi xulosalar
Yigitlarimiz juda yaxshi o‘yin ko‘rsatdi, lekin bundan ham yaxshiroq o‘yin ko‘rsata olardik va yaxshiroq natija ham ko‘rsatishimiz mumkin edi. Eronga qarshi o‘yindan keyin yigitlardan ko‘nglim to‘q. Xudo xohlasa, keyingi o‘yinlarda ham yaxshi o‘yin ko‘rsatib, saviyamizni oshirishga intilamiz.
Keyingi musobaqalarda jamoadan yuksak natijalar kutish mumkinligi haqida
Albatta, keyingi musobaqalarda yuksak natijalar kutsak bo‘ladi. O‘z ustimizda ishlashimiz zarur, bunga yana vaqt kerak. Jamoamiz juda yaxshi imkoniyatlarga ega.
Bahodir Ahmedov, O‘zbekiston futzal terma jamoasi bosh murabbiyi
“Juda og‘ir o‘yin bo‘ldi. Biz xalqimizni, tashrif buyurgan muxlislarimizni xursand qilmoqchi edik. Bor kuchimiz bilan harakat qildik. Bu Jahon chempionatidagi so‘nggi o‘yinimiz bo‘lmaydi deb o‘ylayman. Xudo xohlasa, keyingi mundialda bundan-da yaxshi natija ko‘rsatishga harakat qilamiz. Jamoadoshlarimga minnatdorchilik bildiraman, muhit ajoyib edi. Muxlislarga ham rahmat. Bizni maydonda, teleekran qarshisida qo‘llab-quvvatlagan xalqimizga, bizni duo qilgan barchaga rahmat deb qolaman. O‘yin og‘ir bo‘ldi, himoyada ko‘p xatolarga yo‘l qo‘ydik, Eron bunday xatolarni kechirmaydi, shu qatorida, biz ham raqiblarimiz xatolaridan maksimal foydalanishga harakat qildik. Eronliklarga keyingi o‘yinlarda omad tilab qolaman”, — deydi Dilshod Rahmatov.
Eslatib o‘tamiz, O‘zbekiston JCh—2021 guruh bosqichida Gvatemala, Rossiya va Misr bilan bir guruhdan joy olib, ikkinchi o‘rin bilan plef-off bosqichiga yo‘l olgandi. O‘zbekistonni mag‘lub etgan Eron endilikda yarim finalga chiqish uchun Qozog‘iston bilan bahs yuritadi.
Izoh (0)