Ўзбекистон футзал терма жамоаси бош мураббийи Баҳодир Аҳмедов Жаҳон чемпионатининг нимчорак финали доирасидаги Эронга қарши ўйиндан (8:9) сўнг ўз фикрлари билан ўртоқлашди.
Ўйин ҳақидаШунингдек, терма жамоа аъзоси Дилшод Раҳматов ҳам ўз фикрларини билдириб ўтди.Эрон терма жамоаси жуда кучли жамоа. Дунё бўйича 3—4-ўринларда турадиган етакчи терма жамоалардан бири ҳисобланади. Орқа чизиқда қилган хатоларимиз ва ўз имкониятларимиздан фойдалана олмаганимиз сабабли мағлубиятга учрадик.
Мусобақа ҳақидаги хулосалар
Йигитларимиз жуда яхши ўйин кўрсатди, лекин бундан ҳам яхшироқ ўйин кўрсата олардик ва яхшироқ натижа ҳам кўрсатишимиз мумкин эди. Эронга қарши ўйиндан кейин йигитлардан кўнглим тўқ. Худо хоҳласа, кейинги ўйинларда ҳам яхши ўйин кўрсатиб, савиямизни оширишга интиламиз.
Кейинги мусобақаларда жамоадан юксак натижалар кутиш мумкинлиги ҳақида
Албатта, кейинги мусобақаларда юксак натижалар кутсак бўлади. Ўз устимизда ишлашимиз зарур, бунга яна вақт керак. Жамоамиз жуда яхши имкониятларга эга.
Баҳодир Аҳмедов, Ўзбекистон футзал терма жамоаси бош мураббийи
«Жуда оғир ўйин бўлди. Биз халқимизни, ташриф буюрган мухлисларимизни хурсанд қилмоқчи эдик. Бор кучимиз билан ҳаракат қилдик. Бу Жаҳон чемпионатидаги сўнгги ўйинимиз бўлмайди деб ўйлайман. Худо хоҳласа, кейинги мундиалда бундан-да яхши натижа кўрсатишга ҳаракат қиламиз. Жамоадошларимга миннатдорчилик билдираман, муҳит ажойиб эди. Мухлисларга ҳам раҳмат. Бизни майдонда, телеекран қаршисида қўллаб-қувватлаган халқимизга, бизни дуо қилган барчага раҳмат деб қоламан. Ўйин оғир бўлди, ҳимояда кўп хатоларга йўл қўйдик, Эрон бундай хатоларни кечирмайди, шу қаторида, биз ҳам рақибларимиз хатоларидан максимал фойдаланишга ҳаракат қилдик. Эронликларга кейинги ўйинларда омад тилаб қоламан», — дейди Дилшод Раҳматов.
Эслатиб ўтамиз, Ўзбекистон ЖЧ—2021 гуруҳ босқичида Гватемала, Россия ва Миср билан бир гуруҳдан жой олиб, иккинчи ўрин билан плеф-офф босқичига йўл олганди. Ўзбекистонни мағлуб этган Эрон эндиликда ярим финалга чиқиш учун Қозоғистон билан баҳс юритади.
Изоҳ (0)