O‘zbekiston futzal terma jamoasi Jahon chempionatining 1/8 final bosqichida 24-sentabr, juma kuni Eronga qarshi bahs olib bordi.
Eronning 1-daqiqadagi goli bilan boshlangan o‘yinda umumiy hisobda 17 ta gol kiritildi. Uchrashuvning birinchi bo‘limida 4:3 hisobida Eronning qo‘li baland keldi.
Ikkinchi 20 daqiqalikda ham Eron tezkor gollar bilan boshladi. O‘z navbatida O‘zbekiston ham forslarning gollariga javob qaytarishdan to‘xtamadi. Biroq o‘yin yakuniga qadar Bahodir Ahmedov shogirdlari o‘ynovchi darvozabon bilan harakat qildi va qarshi hujumlarda jazolandi. O‘yin yakunida Eron 9:8 hisobidagi g‘alabani rasmiylashtirdi.
Shu tariqa O‘zbekiston futzal terma jamoasi o‘z tarixidagi ikkinchi Jahon chempionatini nimchorak final bosqichida yakunladi. Jamoa so‘nggi pallaga qadar mardonavor kurash olib bordi. 2016-yili Kolumbiyada o‘tgan musobaqada jamoa guruhdan chiqa olmagandi.
O‘zbekiston JCh—2021 guruh bosqichida Gvatemala, Rossiya va Misr bilan bir guruhdan joy olib, ikkinchi o‘rin bilan plef-off bosqichiga yo‘l oldi. Eron endilikda yarim finalga chiqish uchun Qozog‘iston bilan bahs yuritadi.
JCh—2021
1/8 final bahsi
23-sentabr, juma
O‘zbekiston — Eron 8:9
Gollar: Hassanzadeh Ali 1, 22, 28, Javid Mahdi 5, 25, Husniddin Nishonov 9, 30, 33, Ahmad Abbasi 16, 36, Dilshod Rahmatov 17, 38, Ixtiyor Ropiyev 18, Farhod Tavakkoli 18, Anasxon Rahmatov 28, Moslem Oladghobad 29, Ilhomjon Hamroyev 39.O‘zbekiston — Ravshan Eliboyev, Ixtiyor Ropiyev, Husniddin Nishonov, Ilhom Hamroyev, Davron Choriyev, Anasxon Rahmatov, Akbar Usmonov, Mashrab Odilov, Sunnatulla Jo‘rayev, Xushnur Erkinov, Muzaffar Ahadjonov, Dilshod Rahmatov, Rustam Umarov, Abbos Elmurodov.
Izoh (0)