Toshkent viloyati IIBB YHXB mutaxassislarining tahlillariga ko‘ra, 2021-yil boshidan buyon sodir bo‘lgan yo‘l-transport hodisalarining 21 foizi Damas rusumli avtomobillar ishtirokida sodir bo‘lgani aniqlandi, deb yozmoqda O‘zA. Buning oqibatida 25 nafar fuqaro vafot etgan.
Statistik ma’lumotlarning ko‘rsatishicha, Damas’larni aksariyat hollarda 20-30 yoshlardagi fuqarolar boshqaradi. “Bu esa tajribasiz, qiziqqon yoshlarning yo‘l-transport hodisalarining keltirib chiqarishiga yana bir sababdir”, — deb qayd etmoqda O‘zA.
Sodir bo‘lgan avtohalokatlar tuman-shaharlar kesimida tahlil qilinganda Olmaliq shahrida sodir bo‘lgan yo‘l-transport hodisalarining 42 foizi, Quyi Chirchiq tumanida 35 foizini aynan Damas’larda sodir etilgani aniqlangan.
Toshkent viloyati IIBB YHXB YPX inspektorlari tomonidan o‘tgan 3 kun mobaynida 218 ta Damas rusumli avtoulovlarni hujjatsiz, texnik nosozligi, litsenziyasiz yo‘lovchi tashigani, belgilangan jarimani 60 kun muddatda to‘lamagani va boshqa qoidabuzarlik sodir etgani uchun qonuniy ravishda jarima maydoniga joylashtirilgan.
Xabarda aytilishicha, bu kabi ishlar viloyat hududida ham davom ettirilmoqda.
Izoh (0)