“O‘zbekneftgaz” AJ boshqaruvi raisi Mehriddin Abdullayev topshirig‘i bilan neft va gaz qazib chiqarish boshqarmalarning ishlab chiqarish quvvatini tiklash hamda tabiiy gazni qayta ishlash zavodlaridagi qurilmalarda amalga oshiriladigan rejali ta’mirlash ishlarini sifatli, o‘z vaqtida ishga tushirish borasida bir qator chora-tadbirlar belgilab olingan.
Yil boshidan buyon neft va gaz qazib chiqarish, qayta ishlash boshqarma, korxonalarida uglevodorodlarni qazib chiqarish va qayta ishlash hajmlarini ko‘paytirishga qaratilgan bir qancha ishlar amalga oshirildi.
Bunda O‘zbekiston Respublikasi Prezidentining 2017-yil 9-martdagi 2822-sonli qaroriga asosan, boshqaruv raisinining buyrug‘i bilan tasdiqlangan “Uglevodorodlarni qazib chiqarishni ko‘paytirishga qaratilgan kompleks chora-tadbirlari” dasturulamal bo‘lib xizmat qilmoqda.
Joriy yilning yanvar—avgust oylarida ushbu chora-tadbirlarda belgilangan vazifalar o‘z vaqtida bajarilib, 109 ta quduq burg‘ilashdan (shundan 67 ta quduq dastur doirasida), 451 ta quduq mukammal ta’mirlashdan va 40 ta texnologik obyektlar qurib ishga tushirildi.
Natijada qo‘shimcha 2 347,942 million kub metr (shundan 783,7 million kub metr dastur doirasida) tabiiy gaz va 42,3 ming tonna (shundan 19,3 ming tonna dastur doirasida) gaz kondensati qazib chiqarishga erishildi.
Geologo-texnik chora-tadbirlar samarasi o‘laroq, 8 oyda “O‘zbekneftgaz” AJ tomonidan neft va gaz qazib chiqarish va qayta ishlash reja ko‘rsatkichlarining bajarilishi quyidagicha bo‘ldi:
- tabiiy gaz — 22 467,4 million kub metr, rejaga nisbatan 100,1 foiz;
- neft — 79,1 ming tonna, rejaga nisbatan 106,9 foiz;
- kondensat — 940,0 ming tonna, rejaga nisbatan 102,8 foiz;
- suyultirilgan gaz — 414,7 ming tonna, rejaga nisbatan 100,4 foiz;
- oltingugurt — 154,0 ming tonna, rejaga nisbatan 128,7 foiz;
- poliyetilen — 86,6 ming tonna, rejaga nisbatan 105,1 foiz;
- avtobenzin — 582,9 ming tonna, rejaga nisbatan 120,4 foiz;
- dizel yonilg‘isi — 181,4 ming tonna, rejaga nisbatan 138,7 foiz.
O‘z navbatida, Davlat geologiya qo‘mitasida tayyorlangan 10 ta yangi maydonda “O‘zbekneftgaz” AJ tomonidan geologiya-qidiruv ishlarini amalga oshirish ishlari boshlab yuborildi. Shuningdek, “Raqamli kon” konsepsiyasi doirasida, tegishli konlarga qarashli hududdagi yer qa’rining raqamli modellarini yaratish ishlari yakunlandi.
Jumladan, 10 ta konning gidrodinamik modeli, shundan:
- Muborak boshqarmasi — 1 ta (Girsan);
- Gazli boshqarmasi — 9 ta.
- Muborak boshqarmasi — 5 ta;
- Ustyurt boshqarmasi — 2 ta;
- Gazli boshqarmasi — 1 ta.
Izoh (0)