Jurnalist va blogerlarga tahdid qilib, ularni haqoratlagan Rishton tumani tibbiyot birlashmasi boshlig‘i vazifasidan ozod qilindi. Bu haqda 13-sentabr kuni o‘tkazilgan matbuot anjumanida viloyat sog‘liqni saqlash boshqarmasi boshlig‘i Husan Mamajonov ma’lum qildi, deya xabar berdi “Daryo” muxbiri.
“Rishton tuman tibbiyot birlashmasining sobiq boshlig‘i telefon orqali suhbatida noma’qul, tizim rahbariga yarashmaydigan so‘zlarni aytgan. Bu tibbiyot xodimlarini, barchamizni noqulay holatga soldi. Buni tushunib yetgan birlashma boshlig‘i o‘sha kunning o‘zida o‘z xohishi bilan ariza yozdi. Arizasi qanoatlantirilib, u bilan tuzilgan mehnat shartnomasi bekor qilindi. Jurnalist va blogerlarimiz uning harakatlaridan norozi bo‘lsa, belgilangan tartibda ichki ishlar yoki prokuratura idoralariga murojaat qilishlari mumkin”, — deydi Husan Mamajonov.
Ma’lum qilinishicha, Usmon Mamadaliyev Farg‘ona viloyat sog‘liqni saqlash boshqarmasining 2021-yil 10-sentabrdagi buyrug‘i bilan vazifasidan ozod etilgan. Mehnat kodeksining 97-moddasi 1-bandiga asosan xodim bilan tuzilgan mehnat shartnomasi bekor qilingan.
Qayd etilishicha, Rishton tibbiyot birlashmasi boshlig‘i audioxabar tarqalgan kuni videomurojaat bilan chiqib, aytgan gaplari uchun uzr so‘ragan.
Mavzuga doir:
- OAV: Ishtixon hokimligi matbuot xizmati xodimi jurnalist kamerasining fleshkasini “yeb qo‘ydi”
- Qashqadaryolik bloger sayyor qabulda viloyat hokimini videoga olgani uchun haqoratlanganini aytdi. Uni IIB xodimi tadbirdan olib ketishga uringan
- Qarshida IIB xodimi “Daryo” muxbiriga qo‘pollik bilan tahdid qildi. IIV vaziyat o‘rganib chiqilishini ma’lum qildi
Izoh (0)