Тошкент вилояти ИИББ ЙҲХБ мутахассисларининг таҳлилларига кўра, 2021 йил бошидан буён содир бўлган йўл-транспорт ҳодисаларининг 21 фоизи Damas русумли автомобиллар иштирокида содир бўлгани аниқланди, деб ёзмоқда ЎзА. Бунинг оқибатида 25 нафар фуқаро вафот этган.
Статистик маълумотларнинг кўрсатишича, Damas’ларни аксарият ҳолларда 20-30 ёшлардаги фуқаролар бошқаради. «Бу эса тажрибасиз, қизиққон ёшларнинг йўл-транспорт ҳодисаларининг келтириб чиқаришига яна бир сабабдир», — деб қайд этмоқда ЎзА.
Содир бўлган автоҳалокатлар туман-шаҳарлар кесимида таҳлил қилинганда Олмалиқ шаҳрида содир бўлган йўл-транспорт ҳодисаларининг 42 фоизи, Қуйи Чирчиқ туманида 35 фоизини айнан Damas’ларда содир этилгани аниқланган.
Тошкент вилояти ИИББ ЙҲХБ ЙПХ инспекторлари томонидан ўтган 3 кун мобайнида 218 та Damas русумли автоуловларни ҳужжатсиз, техник носозлиги, лицензиясиз йўловчи ташигани, белгиланган жаримани 60 кун муддатда тўламагани ва бошқа қоидабузарлик содир этгани учун қонуний равишда жарима майдонига жойлаштирилган.
Хабарда айтилишича, бу каби ишлар вилоят ҳудудида ҳам давом эттирилмоқда.
Изоҳ (0)