Futbol bo‘yicha Moldova chempionatining 9-turida “Sherif” 12-sentabr, yakshanba kuni “Petrokub”ni qabul qildi.
Uchrashuvning birinchi bo‘limida hisob ochilmadi. Ikkinchi bo‘lim boshida o‘zbekistonlik hujumchi Jasur Yaxshiboyev zaxiradan maydonga tushdi. Yaxshiboyevning uzatmasidan keyin 71-daqiqada Frenk Kastanyeda hisobni ochdi. Oradan ko‘p o‘tmay Jasur moldavan klubidagi debyut golini urdi va jamoasining g‘alabasini ta’minladi.
Shu tariqa Jasur Yaxshiboyev “Sherif” safidagi debyut o‘yinida gol va golli uzatma muallifiga aylandi.
“Sherif” 12 ochko bilan 4-o‘rinda bormoqda. Qayd etish kerak tiraspolliklar hisobida to‘rtta zaxira o‘yini bor.
Eslatib o‘tamiz, Yaxshiboyev yozgi transfer oynasida “Legiya”dan ijara asosida “Sherif”ga o‘tgandi. “Sherif” YChL 2021/22-yilgi mavsumi guruh bosqichida qatnashadi. Jamoa “Real”, “Inter” va “Shaxtyor” bilan bir guruhdan joy olgan.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
Moldova chempionati
9-tur bahsi
12-sentabr, yakshanba
“Sherif” — “Petrokub” 2:0
Gollar: 1:0 – 71 Kastanyeda, 2:0 – 76 Yaxshiboyev.“Sherif”: Atanasiadis, Arboleda, Kastaneda (Nikolov, 81), Kostansa, Kristiano, Addo, Kolovos (Dago, 65), Till (Petro, 80), Dulanto, Felipe (Traore, 65), Yansane (Yaxshiboyev, 46).
“Petrokub”: Meyra, Onana (Sh.Yefros, 81), Ambros, Platika (Fedorov, 62), Bogachuk, Melakio, Potirnike, Rozgonyuk, Revenko, Kotogoy (Vlas, 81), Yosipoy (Gulchak, 57).
Ogohlantirish: Kostansa (56).
Izoh (0)