Toshkent vaqti bilan 12-sentabr tongida AQShda boks kechasi bo‘lib o‘tdi.
Musobaqaning asosiy jangi super og‘ir vazn toifasida sobiq jahon chempioni Evander Holifild va UFC sobiq chempioni Vitor Belfort o‘rtasida kechdi. 44 yoshli Belfort 58 yoshli Holifildni birinchi raunddayoq nokautga uchratdi.
Qayd etish kerak, aslida bu jang Belfort va sobiq bokschi Oskar de la Hoya o‘rtasida o‘tishi kerak edi. Biroq sobiq chempion shifoxonaga tushib qoldi va uning o‘rnini Evander egalladi.
Musobaqadagi yana bir jang UFC sobiq chempioni Anderson Silva va promoushenning sobiq vakili Tito Ortis o‘rtasida kechdi. Unda Silva raqibini birinchi raundda nokautga uchratdi.
Shuningdek, Devid Hey hakamlar qaroriga ko‘ra Jo Furnyedan ustun keldi.
Izoh (0)