Футбол бўйича Молдова чемпионатининг 9-турида «Шериф» 12 сентябрь, якшанба куни «Петрокуб»ни қабул қилди.
Учрашувнинг биринчи бўлимида ҳисоб очилмади. Иккинчи бўлим бошида ўзбекистонлик ҳужумчи Жасур Яхшибоев захирадан майдонга тушди. Яхшибоевнинг узатмасидан кейин 71-дақиқада Фрэнк Кастанеда ҳисобни очди. Орадан кўп ўтмай Жасур молдаван клубидаги дебют голини урди ва жамоасининг ғалабасини таъминлади.
Шу тариқа Жасур Яхшибоев «Шериф» сафидаги дебют ўйинида гол ва голли узатма муаллифига айланди.
«Шериф» 12 очко билан 4-ўринда бормоқда. Қайд этиш керак тирасполликлар ҳисобида тўртта захира ўйини бор.
Эслатиб ўтамиз, Яхшибоев ёзги трансфер ойнасида «Легия»дан ижара асосида «Шериф»га ўтганди. «Шериф» ЕЧЛ 2021/22 йилги мавсуми гуруҳ босқичида қатнашади. Жамоа «Реал», «Интер» ва «Шахтёр» билан бир гуруҳдан жой олган.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
Молдова чемпионати
9-тур баҳси
12 сентябрь, якшанба
«Шериф» — «Петрокуб» 2:0
Голлар: 1:0 – 71 Кастанеда, 2:0 – 76 Яхшибоев.«Шериф»: Атанасиадис, Арболеда, Кастанеда (Николов, 81), Костанса, Кристиано, Аддо, Коловос (Даго, 65), Тилл (Петро, 80), Дуланто, Фелипе (Траоре, 65), Янсане (Яхшибоев, 46).
«Петрокуб»: Мейра, Онана (Ш.Ефрос, 81), Амброс, Платика (Федоров, 62), Богачук, Мелакио, Потирнике, Розгонюк, Ревенко, Котогой (Влас, 81), Йосипой (Гулчак, 57).
Огоҳлантириш: Костанса (56).
Изоҳ (0)