O‘zbekistonda yanvar–avgust oylarida qancha nikoh qayd etilgani ma’lum qilindi

O‘zbekistonda 2021-yilning yanvar–avgust oylarida respublika bo‘yicha 174 998 ta nikoh holatlari qayd etilgan. Bu haqda Davlat statistika qo‘mitasi ma’lum qildi.

So‘nggi 8 oyda qayd etilgan nikohlar 2020-yilning mos davriga nisbatan 36 288 taga ko‘p.

2021-yilning o‘tgan 8 oyida qayd etilgan nikohlar soni:

• yanvar oyida – 19 703 ta;
• fevral oyida – 16 346 ta;
• mart oyida – 23 829 ta;
• aprel oyida – 17 236 ta;
• may oyida – 19 722 ta;
• iyun oyida – 22 152 ta;
• iyul oyida – 24 491 ta;
• avgust oyida – 31 519 ta.

Ma’lumot uchun, 2020-yil avgust oyida 41 716 nikoh qayd etilgan. Bunday yuqori ko‘rsatkichning qayd etilishi 2020-yil 10-iyuldan 15-avgustgacha mamlakatda koronavirus bilan bog‘liq vaziyat keskinlashgani sababli to‘ylarni o‘tkazish taqiqlangani ortidan ushbu vaqt oralig‘ida rejalashtirilgan to‘ylarning avgust oyiga borib yoppasiga o‘tkazilgani bilan bog‘liq bo‘lishi mumkin.