Ijtimoiy tarmoqlarda “Andijonda yana ayol haqoratlandi” sarlavhali audioxabar tarqalgan. Holat bo‘yicha Mehnat vazirligi munosabat bildirdi.
Qayd etilishicha, ovozli xabardagi holat yuzasidan o‘rganish ishlari olib borilgan.
Aniqlanishicha, audiodagi ovoz Andijon viloyati Bandlik bosh boshqarmasi boshlig‘i A.M.ga emas, balki viloyat Bandlik bosh boshqarmasi Davlat mehnat inspeksiyasi boshlig‘i F.M.ga tegishli ekani ma’lum bo‘lgan.
O‘rganish natijalariga ko‘ra, Andijon shahar Aholi bandligiga ko‘maklashish markazining sobiq xodimasi X.J. bilan tuzilgan mehnat shartnomasi O‘zbekiston Prezidentining 2021-yil 3-apreldagi PQ-5053-sonli “Davlat hokimiyati va boshqaruvi organlarining tuzilmasini maqbullashtirish va shtat birliklari sonini qisqartirish to‘g‘risida”gi qarori talablari asosida Mehnat kodeksining 100-moddasi 2-qismi 1-bandiga asosan 2021-yil 4-iyul kunidan bekor qilingan.
Ma’lum qilinishicha, Andijon viloyat Bandlik bosh boshqarmasi Davlat mehnat inspeksiyasi boshlig‘i F.M. uning noqonuniy xatti-harakatlarini to‘xtatmoqchi bo‘lgan vaqtida nizo kelib chiqqan.
Ushbu nizoli holat yuzasidan shu kunning o‘zida tegishli ravishda dalolatnoma rasmiylashtirilib, huquqiy baho berishlik uchun Andijon shahar IIBga ariza bilan murojaat qilingan hamda holat yuzasidan hozirda Andijon shahar IIB tomonidan surishtiruv harakatlari olib borilmoqda.
Mavzuga doir:
- Rishton tumani tibbiyot birlashmasi boshlig‘i jurnalistga tahdid qilgan audiosi tarqaldi. Holat SSV nazoratiga olindi
- Chiroqchida profilaktika inspektorining xizmat kiyimini tortib yirtib, unga tan jarohati yetkazgan shaxsga jinoyat ishi qo‘zg‘atildi
- Internetda YPX xodimlarini gadoylarga tenglashtirib, ularni haqorat qilgan shaxs 12 mln so‘m jarimaga tortildi
Izoh (0)