Xorijiy korxona mablag‘larini talon-toroj qilgan sobiq hisobchisining kirdikorlari fosh bo‘ldi, deya xabar qilmoqda Bosh prokuratura huzuridagi departament axborot xizmati.
Qayd etilishicha, departament tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda, “S.L.” MChJ shaklidagi xorijiy korxonaning sobiq bosh hisobchisi N.Y. 2020-yil va 2021-yilning o‘tgan 5 oyida korxonaning jami 8,7 milliard so‘m mablag‘ini o‘zining shaxsiy plastik kartasiga o‘tkazib talon-toroj qilgan.
Shuningdek, jinoiy yo‘l bilan orttirgan daromadiga qonuniy tus berish maqsadida 478 726 AQSh dollari xarid qilib, shundan 214 926 AQSh dollarini Moskva shahridagi bankomatlardan naqdlashtirib olib, jinoiy faoliyatdan olingan daromadlarini legallashtirgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 243-moddasi (jinoiy faoliyatdan olingan daromadlarni legallashtirish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Buxoroda fuqaro uyidan 3000 dollar hamda 36,7 mln so‘mlik tilla taqinchoqlar o‘g‘irlagan xavfli retsidivist qo‘lga olindi
- Navoiyda qishloq xo‘jaligi mahsuloti zaxirasi uchun ajratilgan 2,5 mlrd so‘mlik kredit mablag‘i talon-toroj qilingani aniqlandi
- Xalq ta’limi tizimida olti oyda 65,1 mlrd so‘mlik o‘zlashtirish va kamomad aniqlangan
Izoh (0)