Toshkent viloyati Quyi Chirchiq tumanida dori vositalarining noqonuniy muomalaga kiritilishining oldi olindi, deya xabar bermoqda Bosh prokuratura huzuridagi departament axborot xizmati.
Qayd etilishicha, departamentning Quyi Chirchiq tumani bo‘limi tomonidan DBQning Toshkent viloyati boshqarmasi bilan hamkorlikda o‘tkazilgan tezkor tadbirda fuqaro S.O. dori vositalarini qimmat narxlarda muomalaga kiritish orqali daromad orttirishni ko‘zlab, xorijda ishlab chiqarilgan 2 000 dona “Merogen (meropenem for injection)” va 1 798 dona “Moksifloksatsin 0,4” nomli dori vositalarini xaridorga jami 10 000 AQSh dollariga sotgan vaqtda ashyoviy dalillar bilan ushlangan.
Mazkur holat yuzasidan Jinoyat kodeksining 186-3-moddasi (dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
Izoh (0)