O‘zbekistonga 5 va 6-sentabr kunlari ZF-UZ-VAC2001 vaksinasining 4,5 mln dozasi olib kelinadi

O‘zbekistonga 5 va 6-sentabr kunlari ZF-UZ-VAC2001 vaksinasining 4,5 million dozasi olib kelinadi. Bu haqda “Vaksinauz” Telegram-kanali xabar qildi.

Ma’lumot uchun, shu kungacha O‘zbekistonga mazkur vaksinaning jami 13,5 million dozasi olib kelindi.

ZF-UZ-VAC2001 vaksinasi SARS-CoV2 (RBD) ning S-oqsilni bog‘lovchi domenga yo‘naltirilgan bo‘lib, RBD oqsilining rekombinant ekspressiyasi orqali odamlarda neytrallashtiruvchi antitanachalarni keltirib chiqaradi va SARS-CoV2 ni xo‘jayin hujayra yuzasida ACE2 retseptori bilan bog‘lanishini bloklaydi va infeksiyaning oldini oladi.

Bundan avval Germaniyadan O‘zbekistonga koronavirusga qarshi yuqori samaraga ega 10 ming doza dori vositasi yetib kelgani hamda O‘zbekistonda koronavirusga qarshi to‘liq emlanganlar soni 2 million kishidan oshgani haqida xabar berilgandi.