Qashqadaryo viloyatining Qarshi shahridagi ko‘p qavatli uylarning biri oldida chirigan daraxt Damas avtomobilini bosib qoldi. Bu haqda “Daryo”ga viloyat Favqulodda vaziyatlar boshqarmasi axborot xizmati rahbari Sohib Vaitov xabar berdi.
Ma’lumot berilishicha, voqea bugun, 4-sentabr kuni soat 13:20 da sodir bo‘lgan.
“Bugun, taxminan soat 13:20 da viloyat Favqulodda vaziyatlar boshqarmasining navbatchi-dispetcherlik xizmatiga Qarshi shahar ‘Mustaqillik’ MFY 19-uyning oldida to‘xtab turgan Damas rusumli yengil avtomobil ustiga daraxt qulab tushgani to‘g‘risida xabar kelib tushdi. Xabarga ko‘ra, qutqaruvchilar aytilgan manzilga soat 13:30 da yetib borib, holatni qisqa vaqt ichida bartaraf etgan”, — deydi Sohib Vaitov.
Qo‘shimcha qilinishicha, voqea ro‘y bergan paytda avtomobilda hech kim bo‘lmagan. Damas’ning tom qismiga zarar yetgan.
Izoh (0)