31-avgust kuni “Yangi O‘zbekiston” bog‘ida mustaqillikning 30 yilligi munosabati bilan davlat tadbiri bo‘lib o‘tgani to‘g‘risida xabar berilgandi. Huquqshunos va bloger Xushnudbek Xudoyberdiyev o‘zining Telegram’dagi kanali orqali bayram tantanalari vaqtida viloyat hokimlari “Xorazm lazgisi”ga raqs tushgani tasvirlangan video bilan bo‘lishdi.
Videodan ko‘rish mumkinki, raqsni Xorazm hokimi Farhod Ermonov boshlab bergan, unga Toshkent hokimi Jahongir Ortiqxo‘jayev, Qashqadaryo hokimi Zoir Mirzayev, Sirdaryo hokimi G‘ofurjon Mirzayevlar jo‘r bo‘lgan. Navoiy hokimi Qobil Tursunov turgan joyida maza qilib o‘ynagan.
Qolgan hokimlar qarsak chalib, hamkasblarini qo‘llab-quvvatlab turgan.
Avvalroq bayram tantanasi davlat rahbari nutq so‘zlab, unda juda ko‘plab masalalarga urg‘u bergani to‘g‘risida xabar berilgandi. Jumladan, Prezident o‘z nutqi davomida O‘zbekiston xalqini bayram bilan tabriklab, mamlakat Birinchi Prezidenti Islom Karimovni yodga oldi, mamlakatda erishilayotgan iqtisodiy yutuqlar haqida gapirdi, oktabr kuni bo‘lib o‘tadigan Prezident saylovi haqida so‘z yuritdi, aholini turmush darajasi va uy joy bilan ta’minlash bo‘yicha qilinayotgan ishlar haqida ma’lumot berdi, Afg‘onistondagi vaziyatga to‘xtalib o‘tdi.
Izoh (0)