Dunyoning 11 davlat hududlarida 42 mamlakat vakillaridan iborat 277 jamoa ishtirok etayotgan “ArMI-2021” Xalqaro armiya o‘yinlarida O‘zbekiston Mudofaa vazirligi jamoasi yana bir yo‘nalishda g‘oliblikni qo‘lga kiritdi. Bu haqda vazirlik matbuot xizmati “Daryo”ga ma’lum qildi.
“ArMI-2021” Xalqaro armiya o‘yinlarining “Dala oshxonasi” tanlovida ishtirok etgan O‘zbekiston jamoasi Rossiya, Belarus, Vyetnam, Tojikiston kabi davlat jamoalarini ortda qoldirib, umumjamoa hisobida 1-o‘rinni qo‘lga kiritdi.
Bugungi kun holatiga ko‘ra, O‘zbekiston jamoalari umumiy hisobda 4 ta oltin medalni qo‘lga kiritdi. Bular:
- “Sodiq do‘st” musobaqasining erkaklar jamoasi;
- “Sodiq do‘st” musobaqasining ayollar jamoasi;
- “Harbiy-tibbiy estafeta” musobaqasi jamoasi;
- “Dala oshxonasi” musobaqasi jamoasi.
Izoh (0)