31 август куни «Янги Ўзбекистон» боғида мустақилликнинг 30 йиллиги муносабати билан давлат тадбири бўлиб ўтгани тўғрисида хабар берилганди. Ҳуқуқшунос ва блогер Хушнудбек Худойбердиев ўзининг Telegram’даги канали орқали байрам тантаналари вақтида вилоят ҳокимлари «Хоразм лазгиси»га рақс тушгани тасвирланган видео билан бўлишди.
Видеодан кўриш мумкинки, рақсни Хоразм ҳокими Фарҳод Эрмонов бошлаб берган, унга Тошкент ҳокими Жаҳонгир Ортиқхўжаев, Қашқадарё ҳокими Зоир Мирзаев, Сирдарё ҳокими Ғофуржон Мирзаевлар жўр бўлган. Навоий ҳокими Қобил Турсунов турган жойида маза қилиб ўйнаган.
Қолган ҳокимлар қарсак чалиб, ҳамкасбларини қўллаб-қувватлаб турган.
Аввалроқ байрам тантанаси давлат раҳбари нутқ сўзлаб, унда жуда кўплаб масалаларга урғу бергани тўғрисида хабар берилганди. Жумладан, Президент ўз нутқи давомида Ўзбекистон халқини байрам билан табриклаб, мамлакат Биринчи Президенти Ислом Каримовни ёдга олди, мамлакатда эришилаётган иқтисодий ютуқлар ҳақида гапирди, октябрь куни бўлиб ўтадиган Президент сайлови ҳақида сўз юритди, аҳолини турмуш даражаси ва уй жой билан таъминлаш бўйича қилинаётган ишлар ҳақида маълумот берди, Афғонистондаги вазиятга тўхталиб ўтди.
Изоҳ (0)