“Yangi O‘zbekiston” bog‘ida mustaqillikning 30 yilligi munosabati bilan bo‘lib o‘tgan tadbir — suratlarda

Xabar berilganidek, 31-avgust kuni “Yangi O‘zbekiston” bog‘ida mustaqillikning 30 yilligi munosabati bilan davlat tadbiri bo‘lib o‘tdi. Unda Prezident Shavkat Mirziyoyev nutq so‘zladi.

Davlat rahbari o‘z nutqida juda ko‘plab masalalarga urg‘u berdi. Jumladan, Prezident o‘z nutqi davomida O‘zbekiston xalqini bayram bilan tabriklab, mamlakat Birinchi Prezidenti Islom Karimovni yodga oldi, mamlakatda erishilayotgan iqtisodiy yutuqlar haqida gapirdi, oktabr kuni bo‘lib o‘tadigan Prezident saylovi haqida so‘z yuritdi, aholini turmush darajasi va uy joy bilan ta’minlash bo‘yicha qilinayotgan ishlar haqida ma’lumot berdi, Afg‘onistondagi vaziyatga to‘xtalib o‘tdi.

Bundan tashqari, tadbirning tantanali konsert qismida yig‘ilganlar O‘zbekiston xalq artisti Zulayho Boyxonova tomonidan shifokorlarga atab kuylangan tarona tadbir ishtirokchilari tomonidan yuqori kayfiyatda qarshi olindi. Ta’kidlash kerakki, shu kunga qadar O‘zbekistondagi biror davlat tadbirida tibbiyot xodimlariga bag‘ishlab qo‘shiq ijro etilmagan edi.

Qolaversa, davlat tadbirining istiqlolning ilk yillariga bag‘ishlangan qismida Islom Karimov va Shavkat Mirziyoyevning birga kechgan faoliyati aks ettirilgan lavhalar namoyish etilishi mehmonlarning davomli qarsaklariga sabab bo‘ldi.

“Daryo” fotomuxbiri ushbu tantanada bo‘lib, e’tiborga molik lahzalarni kadrlarga muhrladi.