Google kompaniyasi 18-oktabrdan gibrid ish rejimiga — besh kun ishlaydigan xodimlar uch kun ofisga kelishi lozimligi borasidagi rejasini amalga oshirishni kechiktirdi, deb xabar beradi IXBT.
Internet-gigantining bosh direktori Sundar Pichai xodimlariga kompaniya ofisga qaytish majburiyatini 2022-yilning yanvariga qadar surishini ma’lum qilgan. Ya’ni 10-yanvardan har bir xodimning o‘zi ofisdan yoki uydan turib ishni davom ettirish bo‘yicha mustaqil qaror qabul qiladi. Ko‘rsatilgan muddatdan keyin ofisdan turib ishlashga o‘tish qarorini Google qabul qiladi. Bu kabi qarordan keyin xodim ish joyiga qaytishi bo‘yicha 30 kun oldin ogohlantiriladi.
Kompaniyaning ofisdan ishlashga o‘tish qarorini kechiktirishiga pandemiya, xususan, delta-shtammning paydo bo‘lishi va vaksinatsiya darajasining yuqori emasligi sabab bo‘lgan. Ta’kidlanishicha, ofisdan ishlaydigan xodimlarning barchasi emlangan bo‘lishi shart.
Eslatib o‘tamiz, Google koronavirus tufayli o‘z xodimlariga uydan ishlashni 2020-yilning martida tavsiya qilgan.
Avvalroq Facebook va Google kompaniyalarining masofadan ishlayotgan xodimlar ofisga qaytishidan avval koronavirusga qarshi emlanishi lozimligini ma’lum qilgandi. Netflix aktyorlar va syomka maydonida ular bilan aloqada bo‘ladigan boshqa xodimlarni majburiy vaksinatsiyadan o‘tkazish haqida e’lon qilgan.
Izoh (0)