O‘zbekistonlik hujumchi Jasur Yaxshiboyev faoliyatini Moldova chempionatida davom ettiradi.
“Legiya” Yaxshiboyevni “Sherif” klubiga ijaraga bergan. Shartnoma 2021/22-yilgi mavsum yakuniga qadar tuzilgan.
Jasur tibbiy ko‘rikdan o‘tgan va “Sherif” bilan shartnoma imzolagan. Bu haqda moldavan klubi matbuot xizmati ma’lum qildi.
Eslatib o‘tamiz, “Sherif” Moldova klublari orasida ilk bor Yevropa Chempionlar Ligasi final bosqichiga chiqdi. Ular D guruhida “Inter”, “Real Madrid” va “Shaxtyor”ga qarshi bahs olib boradi.
Jasur Yaxshiboyev 1997-yilning 24-iyunida Toshkent viloyatining Chinoz tumanida tug‘ilgan. “Paxtakor” tarbiyalanuvchisi hisoblangan Jasur 2020-yilda Belarusning “Energetik-BGU” jamoasiga o‘tgan. Keyinchalik u Soligorskning “Shaxtyor” klubida to‘p surdi va 2021-yil boshida Polshaning “Legiya” klubiga o‘tdi.
Izoh (0)