Para-suzuvchi Shohsanam Toshpo‘latova Tokio—2020 Paralimpiya o‘yinlarida bronza medalini qo‘lga kiritdi.
Toshpo‘latova 200 metr masofaga kechgan kompleks suzish dasturida uchinchi o‘rinni egalladi. Shohsanam murosasiz kechgan finalda masofani 2:27.92 daqiqada suzib o‘tishga muvaffaq bo‘ldi.
Ta’kidlash joiz, Shohsanam Toshpo‘latova mazkur Paralimpiya o‘yinlarida bungacha 3 ta yo‘nalish finalida qatnashib, ikki bor 4 va bir bor 5-pog‘onani egallagan edi.
Eslatib o‘tamiz, Shohsanam Toshpo‘latova Rio—2016 Paralimpiadasida 2 ta bronza medaliga ega chiqqan edi.
Shu tariqa O‘zbekiston delegatsiyasining medallari soni 15 taga yetdi — 5 ta oltin, 4 ta kumush va 6 ta bronza.
Izoh (0)