Ўзбекистонлик ҳужумчи Жасур Яхшибоев фаолиятини Молдова чемпионатида давом эттиради.
«Легия» Яхшибоевни «Шериф» клубига ижарага берган. Шартнома 2021/22 йилги мавсум якунига қадар тузилган.
Жасур тиббий кўрикдан ўтган ва «Шериф» билан шартнома имзолаган. Бу ҳақда молдаван клуби матбуот хизмати маълум қилди.
Эслатиб ўтамиз, «Шериф» Молдова клублари орасида илк бор Европа Чемпионлар Лигаси финал босқичига чиқди. Улар D гуруҳида «Интер», «Реал Мадрид» ва «Шахтёр»га қарши баҳс олиб боради.
Жасур Яхшибоев 1997 йилнинг 24 июнида Тошкент вилоятининг Чиноз туманида туғилган. «Пахтакор» тарбияланувчиси ҳисобланган Жасур 2020 йилда Беларуснинг «Энергетик-БГУ» жамоасига ўтган. Кейинчалик у Солигорскнинг «Шахтёр» клубида тўп сурди ва 2021 йил бошида Польшанинг «Легия» клубига ўтди.
Изоҳ (0)