Qirg‘iziston prezidenti Sadir Japarov 28-noyabr kuni Respublika parlamenti deputatlari saylovini o‘tkazish to‘g‘risida farmon imzoladi. Bu haqda davlat rahbari matbuot xizmati xabar bermoqda.
11-aprel kungi referendumda qabul qilingan Qirg‘iziston Konstitutsiyasiga muvofiq, parlament 90 nafar deputatdan iborat bo‘lib, ular 5 yil muddatga saylanadi. Avvalgi saylovlar natijalari ommaviy noroziliklar fonida bekor qilingan edi.
“Prezident farmoniga muvofiq joriy yilning 28-noyabr kuni Jogorku Kenesh deputatlari saylovini o‘tkazish kuni deb belgilandi”, — deyiladi xabarda.
2021-yil 27-avgust kuni “Qirg‘iziston Respublikasining ‘Qirg‘iziston Respublikasi prezidenti va Qirg‘iziston Respublikasi Jogorku Kenesh deputatlari saylovlari to‘g‘risida’gi konstitutsiyaviy qonuniga o‘zgartirishlar kiritish to‘g‘risida”gi konstitutsiyaviy qonun kuchga kirdi, u parlamentni qisqartirish va deputatlarni saylashning yangi tartibini ko‘zda tutadi. Yangi o‘zgarishlarga ko‘ra, parlament deputatlari saylovini aralash saylov tizimi bo‘yicha o‘tkazish ko‘zda tutiladi. 54 deputat yagona saylov okrugi bo‘yicha proporsional tizim orqali (siyosiy partiyalar nomzodlarining ochiq ro‘yxatlari) saylanadi, yana 36 deputat bir mandatli saylov okruglarida majoritar tizim bo‘yicha saylanadi.
Izoh (0)