Mahalliy aviaqatnovlarni amalga oshiruvchi “Toshkent-3” aeroporti 19-avgustdan boshlab vaqticha yopilgandi. Uzbekistan Airways ushbu aeroport o‘z faoliyatini tiklashini ma’lum qildi.
Qayd etilishicha, 31-avgustdan boshlab “Toshkent-3” aeroporti o‘z faoliyatini boshlaydi va respublika bo‘ylab amalga oshiriluvchi barcha aviaparvozlar ushbu aeroportdan jadvalga ko‘ra amalga oshiriladi.
“Yo‘lovchilardan mahalliy aviaqatnovlar bilan bog‘liq savollarni aviakompaniya aloqa-markazidan, aeroport ma’lumot olish markazidan va Uzbekistan Airways ijtimoiy tarmoqlaridan aniqlashtirishlarini so‘raymiz”, — deyiladi Uzbekistan Airways xabarida.
Eslatib o‘tamiz, “Toshkent-3” aeroporti Germaniya, Afg‘oniston va Yevropa Ittifoqi davlatlari fuqarolarini Toshkent aeroporti orqali tranzit qilib evakuatsiya qilish maqsadida yopilgandi. Ungacha respublika bo‘ylab amalga oshiriluvchi barcha aviaparvozlar Islom Karimov nomidagi Toshkent xalqaro aeroportidan amalga oshirildi.
Izoh (0)