Namangan viloyati Uychi tumanida Farg‘ona kanaliga tushib ketgan Nexia va uning haydovchisi qutqarildi. Bu haqda viloyat FVB matbuot xizmati xabar berdi.
Ma’lum qilinishicha, fuqaro H.H. Nexia’ni mast holda boshqarib ketayotib, harakat xavfsizligini ta’minlay olmay “Boyagon” MFY Sohil bo‘yi ko‘chasidan oqib o‘tuvchi Farg‘ona kanaliga mashina bilan birga tushib ketgan.
Yuqoridagi holat bo‘yicha Favqulodda vaziyatlar boshqarmasiga kelib tushgan tezkor xabarga asosan zudlik bilan voqea joyiga Namangan viloyati FVB yong‘in qutqaruv otryadi yetib kelib, yuzaga kelgan holat ijobiy bartaraf etilgan.
FVB xabarida aytilishicha, avtomashina suvdan olib chiqilgan. Haydovchiga tan jarohati yetmagan va hozirda holati yaxshi. Mazkur holat bo‘yicha hech qanday jiddiy zararlar yuzaga kelmagan.
Mavzuga doir:
- Qashqadaryoda kanalga tushib ketgan Tico va uning haydovchisi olib chiqildi
- Samarqandda kanalga tushib ketgan “Jiguli” olib chiqildi. Uning haydovchisi salondan topilmadi (video)
- Farg‘ona kanaliga Cobalt tushib ketishi oqibatida 3 kishi vafot etdi
- Surxondaryoda kanalga tushib ketgan Damas suvdan olib chiqildi
Izoh (0)