Sog‘liqni saqlash vazirligi ijtimoiy tarmoqlarda tarqalgan Xorazm viloyatida vaksina olgandan keyin ahvoli og‘irlashgan fuqaro haqida videolavhaga munosabat bildirdi.
Videoda bir ayol o‘zbek-xitoy vaksinasini olganidan keyin ko‘zi ko‘rmay, ahvoli og‘irlashgani tasvirlangan.
Vazirlikning ma’lum qilishicha, ushbu vaziyat nazoratga olingan. Bemorning ahvolini o‘rganish va bu holat nima sababdan yuz berganiga aniqlik kiritish maqsadida tezkor mutaxassislar guruhi tuzilgan.
Ishchi guruh tarkibiga mamlakatining tajribali infeksionist, reanimatolog, oftalmolog, virusolog, immunolog, nevropatolog, psixolog kabi mutaxassislari kiritilgan.
O‘rganish natijalari bo‘yicha qo‘shimcha ma’lumot berilishi ta’kidlangan.
“Eslatib o‘tamiz, shu paytgacha yurtimizda qo‘llanilayotgan vaksinalar bilan emlangan aholi vakillarida birorta jiddiy salbiy ta’sir kuzatilmagan”, — deyiladi xabarda.
Izoh (0)