Niagara sharsharasi O‘zbekiston Mustaqilligining 30 yilligi sharafiga mamlakat bayrog‘i ranglarida yoritiladi. Bu haqda AQShdagi O‘zbekiston elchixonasiga tayanib, Telegram’dagi “Nigoh” kanali xabar berdi.
Ta’kidlanishicha, mazkur tadbirni tashkil etish bo‘yicha kelishuv Niagara sharsharasi ma’muriyatining rahbariyati bilan 27-avgust kuni amalga oshirilgan.
Niagara 1-sentabr kuni mahalliy vaqt bilan soat 22:30 da, Toshkent vaqti bilan 2-sentabr soat 07:30 da O‘zbekiston bayrog‘ini aks ettiradi. Mazkur voqeani ushbu havola orqali jonli efirda tomosha qilish mumkin.
AQSh va Kanadada yashovchi o‘zbekistonliklar ushbu tadbirni saytdagi anketani to‘ldirib, to‘g‘ridan to‘g‘ri tomosha qilishlari mumkin bo‘ladi.
Ma’lumotlarga ko‘ra, Niagara sharsharasining O‘zbekiston bayrog‘i ranglari bilan yoritilishi 15 daqiqa davom etadi.
Eslatib o‘tamiz, 2020-yilda O‘zbekiston mustaqilligining 29 yilligi munosabati bilan Birlashgan Arab Amirliklarining Dubay shahrida joylashgan dunyoning eng baland imorati Burj Xalifada O‘zbekiston bayrog‘i 1-sentabr kuni 1 daqiqa davomida namoyish etilgandi.
Izoh (0)