Соғлиқни сақлаш вазирлиги ижтимоий тармоқларда тарқалган Хоразм вилоятида вакцина олгандан кейин аҳволи оғирлашган фуқаро ҳақида видеолавҳага муносабат билдирди.
Видеода бир аёл ўзбек-хитой вакцинасини олганидан кейин кўзи кўрмай, аҳволи оғирлашгани тасвирланган.
Вазирликнинг маълум қилишича, ушбу вазият назоратга олинган. Беморнинг аҳволини ўрганиш ва бу ҳолат нима сабабдан юз берганига аниқлик киритиш мақсадида тезкор мутахассислар гуруҳи тузилган.
Ишчи гуруҳ таркибига мамлакатининг тажрибали инфекционист, реаниматолог, офталмолог, вирусолог, иммунолог, невропатолог, психолог каби мутахассислари киритилган.
Ўрганиш натижалари бўйича қўшимча маълумот берилиши таъкидланган.
«Эслатиб ўтамиз, шу пайтгача юртимизда қўлланилаётган вакциналар билан эмланган аҳоли вакилларида бирорта жиддий салбий таъсир кузатилмаган», — дейилади хабарда.
Изоҳ (0)