Valentino брендининг Нью-Йорк ва Париждаги дўконларида ўғрилик содир бўлди. Ҳар иккала вазиятда ҳам ўғрилар ходимларга қурол билан пўписа қилган ва янги коллекциядан сумкани олиб чиқиб кетган.
Маълум қилинишича, босқинчилар жума куни бренднинг Нью-Йоркдаги филиалига бостириб кирган. Сотувчилар полиция чақиришга улгурган. Бир нечта эркак дўкондан жами 20 минг еврони ташкил қиладиган сумкаларни олиб чиқиб кетган. Йўл-йўлакай сотувчилардан икки нафарини итариб юборган. Ўғриларнинг қуроли бўлган ва жиноят жойидан қора Range Rover автомобилида яширинган.
Полиция шубҳаланувчиларни қўлга олган — улар 17 дан 21 ёшлар оралиғидаги йигитлар бўлиб чиққан. Орадан деярли бир ҳафта ўтиб Фобур-Сент-Оноре кўчасидаги дўконда ўғрилик содир бўлган. Босқинчилар жами нархи 100 минг еврони ташкил қиладиган Valentino Garavani Roman Stud handbags ва Rockstud Alcove сумкаларини олиб чиқиб кетган. Айни вақтда тергов жараёни давом этмоқда, полиция жиноятчиларни қидириш билан банд. Valentino вакиллари бренднинг дўконларидаги хавфсизлик меъёрлари даражасини ошириш устида иш олиб бораётганини маълум қилган.
Изоҳ (0)