Afg‘onistonning sobiq aloqa vaziri Said Ahmadshoh Sadaat Germaniyaning Leypsig shahridagi kuryer bo‘lib ishga joylashdi, deb xabar beradi “Korrespondent.net”.
Mavjud ma’lumotlarga ko‘ra, afg‘on hukumatining sobiq a’zosi Germaniyaga 2020-yilning dekabrida kelgan. Ahmadshoh Sadaatning Leipziger Volkszeitung nashriga ma’lum qilishicha, u Leiferando mahalliy ovqat yetkazib berish xizmatiga jamg‘argan pullari tugagani sabab ishga joylashgan.
Shu bilan birga, Sadaat Yevropadagi eng yirik Telekom telekommunikatsiya kompaniyasiga ishga kirishni xohlashini tan olgan.
Eslatib o‘tamiz, 15-avgust kuni “Tolibon” Kobulga kirib, prezident saroyini egallab oldi va mamlakatdagi hokimiyatni o‘z qo‘liga olganini e’lon qildi. Shu kuniyoq Afg‘oniston prezidenti Ashraf G‘ani mamlakatdan qochib ketdi. Bir necha kundan keyin u oilasi bilan Birlashgan Arab Amirliklarida ekani ma’lum bo‘ldi. 18-avgust kuni G‘ani Afg‘oniston xalqiga murojaat yo‘llab, mamlakatga qaytishga va’da berdi. G‘ani buning uchun maslahatlashuvlar olib borayotganini aytdi, ammo aynan kim bilan ekanini ochiqlamadi.
Izoh (0)