AQShning Michigan shtatida yashovchi Kristin Dyuval ismli ayol koronavirusga qarshi emlanganlar o‘rtasida o‘tkazilgan mukofotli lotereyada jekpot yutib oldi, deb xabar beradi Esquire.
Ayolning ma’lum qilishicha, yutuq uning oilasiga “barcha orzularini” amalga oshirish imkonini beradi. Ayol qo‘lga kiritgan mukofotining bir qismini uch nafar farzandining kollejdagi o‘qishiga va uyini ta’mirlashga sarflash niyatida, qolgan qismini esa ruhiy kasalliklardan aziyat chekadigan insonlarni qo‘llab-quvvatlovchi xizmatlarga xayriya qiladi.
Michiganda emlanganlar o‘rtasidagi lotereya o‘yini iyul oyida aholini ommaviy ravishda koronavirusga qarshi vaksinatsiyadan o‘tishga jalb etish uchun ishga tushirilgan. Har kuni 50 ming dollardan pul mukofoti o‘ynalgan, 12—17 yosh oralig‘ida emlangan o‘quvchilarning to‘qqiz nafari to‘rt yillik ta’lim stipendiyasini yutib olgan. Ogayoda istiqomat qiluvchi ayol esa may oyida 1 million dollarni qo‘lga kiritgandi.
Michigan shtati rasmiylarining hisob-kitoblariga ko‘ra, o‘yin avvalida 2,4 million kishi ro‘yxatdan o‘tgan, stipendiyaga ega 105 ming yuqori sinf o‘quvchilariga da’vogarlik qilgan.
Ta’kidlanishicha, Michiganda 11-iyuldan 7-avgustga qadar vaksinaning birinchi fazasidan o‘tgan insonlar soni kun sayin ortgan.
Avvalroq avstraliyalik erkak hayotidagi “eng yaxshi xato”ni amalga oshirib, millionerga aylangani to‘g‘risida xabar berilgandi.
Izoh (0)