Turkmaniston prezidenti Gurbanguli Berdimuhamedov Toshhovuzda 3 ming o‘rinli “Turkmanlarning oq yurti” sanoat majmuasi qurilishiga bag‘ishlangan tadbirda ishtirok etdi. Berdimuhamedov majmua poydevoriga tilla kapsula yotqizdi, so‘ng tilla aravachada olib kelingan betonning birinchi partiyasini tilla belkurak bilan kapsula ustiga tashladi.
Tadbirda Berdimuhamedov “Oq yurt” ishchilariga avtobus sovg‘a qildi. Ular o‘z navbatida, prezidentga atab konsert uyushtirdi, unda “Arkadag‘, sen poydevor qo‘yding” va “Arkadag‘ning uzoq yillari” qo‘shiqlari ijro etildi. Arkadag‘ — turkman tilidan “homiy” deb tarjima qilinadi. Bu nom hozirgi prezidentning rasmiy va eng keng tarqalgan unvoni.
Tadbir so‘ngida Turkmaniston prezidenti xayr-ehson berdi va Ashxobodga jo‘nab ketdi.
Avvalroq Ashxobod shahrida O‘zbekiston va Turkmaniston o‘rtasidagi do‘stlik munosabatlari sharafiga “Toshkent” istirohat bog‘ini qurish ishlari boshlangandi. Qariyb 30 ming metr kvadrat maydonda landshaftli bog‘, favvoralar, madaniy-ommaviy tadbirlar uchun maydon va sahna, o‘zbek taomlari tortiladigan ikki qavatli choyxona, shuningdek, Toshkentning diqqatga sazovor joylariga o‘xshatib yasaladigan 20 dan ortiq obyektlar joylashadi.
Toshkentda 2017-yil oktabrida “Ashxobod” saylgohi ochilgan.
17-fevral kuni Gurbanguli Berdimuhamedov O‘zbekiston tashqi ishlar vaziri Abdulaziz Komilovni qabul qilib, Ashxobodda “Toshkent” istirohat bog‘i ochilishini aytgan edi.
Mavzuga doir:
- Berdimuhamedov Turkmaniston tarixidagi birinchi Olimpiada medali sovrindoriga kvartira va mashina sovg‘a qildi
- Gurbanguli Berdimuhamedov o‘g‘li bilan birga “Avaza”dagi sportzalga bordi (foto)
- Berdimuhamedov Turkmanistonda paxta hosilini mustaqillikning 30 yilligi munosati bilan har yilgidan bir yarim oy avval terib olishni talab qilmoqda
Izoh (0)