Germaniya Kubogining 1/32 finalidan o‘rin olgan o‘yinda “Bavariya” mehmonda 5-divizion jamoasi “Bremer”ga qarshi bahs olib bordi.
Uchrashuvda myunxenliklar raqib darvozasiga javobsiz 12 ta to‘p kiritdi. Erik Maksim Shupo-Moting poker qayd etgan bo‘lsa, Jamal Musiala dublga erishdi. Malik Tillman, Leroy Sane, Mikael Kyuizans, Buna Sarr va Korenten Tolisso bir martadan raqib darvozasini ishg‘ol etdi. Shuningdek, Shupo-Moting o‘z hisobida to‘rtta golli uzatmani ham yozdirib qo‘ydi.
Qayd etish kerak, bu uchrashuv 6-avgust sanasida bo‘lib o‘tishi kerak edi. Ammo Bremen jamoasi karantinda bo‘lgani bois uchrashuv kechiktirilgandi.
Germaniya Kubogi
1/32 final bahsi
25-avgust, chorshanba
“Bremer” — “Bavariya” 0:12
Gollar: 0:1 – 8 Shupo-Moting, 0:2 – 16 Musiala, 0:3 – 27 Varm (avtogol), 0:4 – 28 Shupo-Moting, 0:5 – 35 Shupo-Moting, 0:6 – 47 Tillman, 0:7 – 48 Musiala, 0:8 – 65 Sane, 0:9 – 80 Kyuizans, 0:10 – 82 Shupo-Moting, 0:11 – 86 Sarr, 0:12 – 88 Tolisso.“Bavariya”: Ulrayx, Nyanzu, Sarr, Richards, Zyule (Richards, 46), Kimmix (Kyuizans, 46), Musiala (Gnabri, 61), Myuller (Tillman, 46), Tolisso, Sane (But, 68), Shupo-Moting.
Chetlatish: Nobil (76).
Izoh (0)