Erkin kurashchi Nodirjon Safarov va taekvondochi Madina Mannopova turmush quradi. Bu haqda juftlik ijtimoiy tarmoqlardagi sahifalarida ma’lum qildi.
Ma’lum qilinishicha, juftlikning fotiha marosimi o‘tkazilgan va tez orada nikoh oqshomi bo‘lib o‘tadi.
20 yoshli Madina Mannopova 2018-yilgi Osiyo chempionati va Jakartadagi Osiyo o‘yinlarida sovrindor bo‘lgan. Nodirjon Safarov ham Osiyo chempionati va bir qator xalqaro musobaqalarda sovrindorlar qatoridan joy olgan.
Avvalroq badiiy gimnastikachi Sabina Toshkenboyeva va taekvondochi Niyoz Po‘latov turmush qurishi haqida xabar berilgandi.
Ungacha esa Tokio—2020 Olimpiadasi bronza medali sohibi Bekzod Abdurahmonov va ushbu Olimpiya o‘yinlarida O‘zbekiston bayroqdori bo‘lgan taekvondochi Nigora Tursunqulova oila qurgani hamda ularga Prezident tabrigi va sovg‘alari yetkazilgani to‘g‘risida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)