O‘zbekiston
Yaponiyaning Tokio shahrida 25-avgust kuni XVI Paralimpiya o‘yinlari start oldi. Dastlabki kunda erkaklar o‘rtasida 100 metrga batterflyay usulida suzish (S12 klass) musobaqasida Islom Aslanov bronza medalini qo‘lga kiritdi.
Xuddi shu yo‘nalishda qatnashgan Muzaffar Tursunxo‘jayev marraga beshinchi bo‘lib yetib keldi. Ayollar o‘rtasida 100 metrga batterflyay usulida suzish (S13 klass) bahslari finalida esa Shohsanamxon Toshpo‘latova to‘rtinchi o‘rinni egalladi.
Mazkur yo‘nalishda qatnashgan Nigoraxon Mirzohidova va Muslima Odilova esa saralashdan o‘ta olmadi.
“Roma” hujumchisi Eldor Shomurodov ishtirokida matbuot anjumani o‘tkazildi. Shomurodov unda yangi jamoasidagi maqsadlari, Joze Mourinyo bilan qanday tanishgani va yana bir qator mavzularda o‘z fikrlari bilan o‘rtoqlashdi. Ushbu havolada Shomurodovning to‘liq intervyusi bilan tanishishingiz mumkin.
“Olimpik” klubi bosh murabbiyi Timur Kapadze 2021-yilgi mavsumda O‘zbekiston Professional futbol ligasi tomonidan o‘tkaziladigan musobaqalar reglamenti”ning 17.17-bandini buzdi, deb xabar bermoqda PFL rasmiy sayti.
Bandga ko‘ra texnik zonada shippak, short hamda yengsiz futbolkada bo‘lishi taqiqlanadi. Kapadze esa Pro Liganing 16-turidan o‘rin olgan “Aral Samali” klubiga qarshi uchrashuv vaqtida texnik zonada short bilan harakat qilgan. Shu sababli mutaxassis va klub rasman ogohlantirilgan.
Superliganing 16-turidan o‘rin o‘yinda mojaro yuzaga keldi. “Metallurg” klubi boshlig‘i “Mash’al”ga qarshi o‘yindan keyin raqib bosh murabbiyi Aleksandr Xomyakovga musht tushirdi.
Hakam hushtagi yangragandan keyin muborakliklar ustozi Aleksandr Xomyakov kiyinish xonasiga ketayotgan vaqtda “Metallurg” klubi boshlig‘i Shavkat Saidov kutilmaganda raqib murabbiyining ko‘krak qismiga musht tushirdi.
“Mash’al” klubi ustozi esa o‘yindan keyingi matbuot anjumanida qatnashmadi. Muborak klubi buni “Metallurg” futbol klubi xavfsizlikni ta’minlamaganligi” bilan izohladi. Ushbu harakat tufayli bekobodliklar rahbari jiddiy jazoga tortilishi mumkin.
Jahon
Harri Keyn ushbu mavsumda ham “Tottenhem”da qoladigan bo‘ldi. Bu haqda uning o‘zi ijtimoiy tarmoqlardagi sahifasi orqali ma’lum qildi. Qayd etish o‘rinli, butun yoz davomida hujumchining “Manchester Siti”ga o‘tishi mumkinligi va “shaharliklar” unga 150 million yevro berishga tayyorligi haqida xabarlar tinmagandi.
“PSJ” Kilian Mbappeni sotishga qaror qildi, deb yozmoqda GFFN nashri. Nashrga ko‘ra, klub 22 yoshli hujumchini 200 million yevrodan kamiga sotmaydi. 24-avgust kuni “Real” Mbappe transferi bo‘yicha “PSJ”ga birinchi rasmiy taklifni yuborib, 160 million yevro berishga tayyorligini ma’lum qilgandi. Biroq parijliklar Kilianni bu narxga sotishdan bosh tortgan.
“PSJ” direktori Mbappening jamoadan ketmoqchiligini va klub uni majburan jamoada olib qolishga urinmasligini aytdi. Uning so‘zlariga ko‘ra, “PSJ” Mbappeni sotib olinganidan (180 million yevro) arzonga sotmaydi.
Portugaliya UEFA koeffitsiyentlar jadvalida Fransiyani ortda qoldirdi. Bunga “Benfika”ning Chempionlar Ligasi saralash bosqichida ikki o‘yin natijasiga ko‘ra PSVni mag‘lub etib, guruh bosqichiga yo‘l olgani sabab bo‘ldi. Ushbu g‘alaba uchun Portugaliyaga bonus ballari taqdim etildi.
Portugaliya hozirda UEFA koeffitsiyentlari jadvalida 44.216 ochko bilan 5-o‘rinda bormoqda. Fransiya esa 43,498 ochko bilan 6-pog‘onaga tushib ketdi.
Shunga qaramay ikkala mamlakat ham yevrokuboklarda oltitadan vakilini saqlab qolgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)