21-avgust kuni Innovatsion rivojlanish vazirligi ko‘magida yosh tadqiqotchilar tomonidan aerostat bilan stratosferaga uchirilgan O‘zbekiston davlat bayrog‘i Yerdan 46 ming metr balandlikka ko‘tarildi, deb xabar beradi vazirlik matbuot xizmati.
Ta’kidlanishicha, O‘zbekiston mustaqilligining 30 yilligi munosabati bilan uchirilgan davlat bayrog‘i 4 soat parvoz qilib, stratosferaga chiqqan.
Eslatib o‘tamiz, 2021-yilning iyulida Ziyodilla Butaxanov O‘zbekiston tarixida ilk marta kosmosga mini sun’iy yo‘ldoshni uchirgan edi. O‘zbekistonlik yosh ixtirochi 42 ming metr balandlikdan Yerni tasvirga olishga muvaffaq bo‘lgan. “Mustaqillikning 30 yilligiga bag‘ishlangan loyihamiz bor. Juda katta loyiha. O‘zbekiston bayrog‘ini stratosferaning eng yuqori cho‘qqisiga olib chiqmoqchimiz”, — degan edi o‘shanda Ziyodilla Butaxanov.
Izoh (0)