21 август куни Инновацион ривожланиш вазирлиги кўмагида ёш тадқиқотчилар томонидан аэростат билан стратосферага учирилган Ўзбекистон давлат байроғи Ердан 46 минг метр баландликка кўтарилди, деб хабар беради вазирлик матбуот хизмати.
Таъкидланишича, Ўзбекистон мустақиллигининг 30 йиллиги муносабати билан учирилган давлат байроғи 4 соат парвоз қилиб, стратосферага чиққан.
Эслатиб ўтамиз, 2021 йилнинг июлида Зиёдилла Бутаханов Ўзбекистон тарихида илк марта космосга мини сунъий йўлдошни учирган эди. Ўзбекистонлик ёш ихтирочи 42 минг метр баландликдан Ерни тасвирга олишга муваффақ бўлган. «Мустақилликнинг 30 йиллигига бағишланган лойиҳамиз бор. Жуда катта лойиҳа. Ўзбекистон байроғини стратосферанинг энг юқори чўққисига олиб чиқмоқчимиз», — деган эди ўшанда Зиёдилла Бутаханов.
Изоҳ (0)