Qoraqalpog‘istonning To‘rtko‘l tumanida fuqaroga tan jarohati yetkazilgani aytilayotgan IIB xodimlariga xizmat tekshiruvi tayinlandi. Bu haqda Qoraqalpog‘iston Respublikasi prokuraturasi xabar berdi.
Ma’lum qilinishicha, ijtimoiy tarmoqlarda fuqaro Y.J. ukasi R.J.ga To‘rtko‘l tumani IIB xodimlari tomonidan tan jarohati yetkazilganligi sababli IIB xodimlariga chora ko‘rishni so‘ragan murojaati tarqaldi.
Qoraqalpog‘iston prokuraturasining ma’lum qilishicha, holat bo‘yicha To‘rtko‘l tuman prokuraturasi tomonidan tergovga qadar tekshiruv harakatlari olib borilmoqda. To‘rtko‘l tumani IIB xodimlarining xatti-harakatlari yuzasidan xizmat tekshiruvi va fuqaro R.J.ga yetkazilgan tan jarohati bo‘yicha sud-tibbiy ekspertizasi tayinlangan.
Mazkur tergovga qadar tekshiruv harakati Qoraqalpog‘iston Respublikasi prokuraturasi tomonidan nazoratga olingani, natijasi bo‘yicha qo‘shimcha ma’lumot berilishi ma’lum qilingan.
Izoh (0)