Афғонистоннинг собиқ алоқа вазири Саид Аҳмадшоҳ Садаат Германиянинг Лейпциг шаҳридаги курьер бўлиб ишга жойлашди, деб хабар беради «Korrespondent.net».
Мавжуд маълумотларга кўра, афғон ҳукуматининг собиқ аъзоси Германияга 2020 йилнинг декабрида келган. Аҳмадшоҳ Садаатнинг Leipziger Volkszeitung нашрига маълум қилишича, у Leiferando маҳаллий овқат етказиб бериш хизматига жамғарган пуллари тугагани сабаб ишга жойлашган.
Шу билан бирга, Садаат Европадаги энг йирик Телеком телекоммуникация компаниясига ишга киришни хоҳлашини тан олган.
Эслатиб ўтамиз, 15 август куни «Толибон» Кобулга кириб, президент саройини эгаллаб олди ва мамлакатдаги ҳокимиятни ўз қўлига олганини эълон қилди. Шу куниёқ Афғонистон президенти Ашраф Ғани мамлакатдан қочиб кетди. Бир неча кундан кейин у оиласи билан Бирлашган Араб Амирликларида экани маълум бўлди. 18 август куни Ғани Афғонистон халқига мурожаат йўллаб, мамлакатга қайтишга ваъда берди. Ғани бунинг учун маслаҳатлашувлар олиб бораётганини айтди, аммо айнан ким билан эканини очиқламади.
Изоҳ (0)