Xiaomi Mi 11T Pro smartfoni Tailand teleradioeshittirish va telekommunikatsiya milliy komissiyasi tomonidan sertifikatga ega bo‘ldi. 2107113SG model raqamli qurilma 5G aloqa tarmog‘ini qo‘llab-quvvatlaydi, deb xabar beradi IXBT.
Taxminlarga ko‘ra, Xiaomi Mi 11T Pro smartfoni bir kristalli Qualcomm Snapdragon 888 protsessori bilan jihozlanadi. Asosiy kamerasi 64 megapikselni tashkil etadi, shuningdek, 8 megapikselli keng burchak va 5 megapikselli telemakrokameraga ega bo‘ladi. Frontal kamerasi — 16 megapiksel. Smartfon stereodinamiklar va NFC modulni ham o‘z ichiga oladi.
Xiaomi Mi 11T Pro tasvir yangilanish chastotasi 120 gertsga teng bo‘lgan AMOLED-ekran bilan jihozlanadi. Akkumulyator sig‘imi 5000 mA/soat bo‘lib, 120 vattli tezkor quvvatlanish funksiyasiga ega. Telefon Android 11 operatsion tizimi orqali boshqariladi. Manbalarning ma’lum qilishicha, mazkur qurilma 600 dollar qiymatida sotuvga chiqadi.
Smartfonning kichik versiyasi — Xiaomi Mi 11T esa Dimensity 1200 bazasida yaratiladi.
Avvalroq Xiaomi tasodifan Redmi 10 ning texnik tavsifini oshkor qilib qo‘ygani, Xiaomi o‘z foydalanuvchilaridan uzr so‘rab chiqqani, Xiaomi uchta smartfondan kiborg-terminatorni yasagani to‘g‘risida xabar berilgandi.
Mavzuga doir: Xiaomi smartfonlar bozorida Apple’dan o‘zib ketdi
Izoh (0)