Samsung Electronics kompaniyasi 2020-yilda taqdim etilgan Galaxy Buds+ simsiz naushniklari savdosini to‘xtatmoqda, deb xabar beradi IXBT.
Galaxy Buds+ naushnigi 2020-yilning boshida taqdim etilgandi. Hozirga kelib u ko‘plab mintaqalarda sotuvda yo‘q. Galaxy Buds+ uchun xalqaro narxlar savdo boshida 149 dollar va 169 yevro etib belgilangan edi, biroq so‘nggi oylarda Samsung ushbu naushniklarni sezilarli darajada arzon sota boshlagan — 80 dollardan. Kompaniya hatto uni ayrim bozorlar uchun flagman smartfonlar jamlamasiga bepul qo‘shib bera boshlagan.
Samsung savdo vakillarining tasdiqlashicha, Galaxy Buds+ naushnigini ishlab chiqarish rostdan ham to‘xtatilgan. Naushnikning ayrim rangdagi variantlarini hozirda AQShdagi Samsung sayti orqali 99 dollardan xarid qilish mumkin, biroq bu yerda sotilayotganlar zaxiradagi mahsulotlardir.
Avvalroq to‘liq simsiz Galaxy Buds2 garniturasi 150 dollar qiymatida sotuvga chiqqani to‘g‘risida xabar berilgandi. Ushbu naushnik Galaxy Buds+ o‘rnini egallashi kutilmoqda.
Izoh (0)