2021-yilning sentabr oyida taqdim etilishi kutilayotgan iPhone 13 seriyasidagi smartfonlar yangi ranglarga ega bo‘ladi, deb xabar beradi Hi-Tech.Mail.ru.
E’lon qilingan kadrlar rasmiy emas, ammo uni yaratishda bo‘lajak iPhone’larga oid tarqalgan mish-mishlarga asoslanilgan. Xususan, yangi seriyada ikkita yangi rang — Sunset Gold va Rose Gold paydo bo‘lishi kutilmoqda. Ikkala versiya ham tilla rangining variatsiyasi hisoblanadi.
Mazkur tasvirlar YouTube’dagi Technizo Concept kanali muallifi tomonidan yaratilgan. U hatto yangi modellarning videosini ham e’lon qilgan, ammo unda yangi seriyadagi smartfonlarni iPhone 12s Pro deb atagan.
Ma’lumkin, haqiqiy iPhone 13 Pro xuddi 13 Pro Max kabi 120 gertsli tasvir yangilanishi chastotasiga ega LTPO OLED-displeyiga ega bo‘ladi.
Avvalroq internetda iPhone 13 Pro’ning quvvatlantirish “razyom”isiz tasvirlangan suratlari tarqalgan, Apple kompaniyasi iPhone 13 modellari taqchil bo‘lishidan ogohlantirgan edi.
Izoh (0)