“Roma” 19-avgust, payshanba kuni Yevropa Konferensiyalar Ligasining saralash o‘yinida Turkiyaning “Trabzonspor” klubi bilan kuch sinashdi.
Trabzonda kechgan bahsning birinchi bo‘limida jamoalar ehtiyotkor o‘yin ko‘rsatdi va darvozalar daxlsiz qoldi.
Ikkinchi 45 daqiqalikda jamoalar umumiy hisobda 3 ta gol urdi. 55-daqiqada Lorenso Pellegrini Genrix Mxitaryanning uzatmasini golga aylantirdi va “Roma”ni hisobda oldinga olib chiqdi. 64-daqiqada Andreas Kornelius qanotdan oshirilgan to‘pni boshi bilan rimliklar darvozasiga joylab qo‘ydi va muvozanatni tikladi. 81-daqiqada esa o‘zbekistonlik hujumchi Eldor Shomurodov “Roma”ga g‘alaba keltirgan golga mualliflik qildi.
Goldan so‘ng Joze Mourinyo Shomurodovni zaxiraga oldi. Jamoalarning javob uchrashuvi 26-avgust sanasida Rimda bo‘lib o‘tadi.
Konferensiyalar Ligasi
Saralash bosqichi, 1-o‘yin
“Trabzonspor” Turkiya – “Roma” Italiya 1:2
Gollar: 0:1 – 55 Pellegrini, 1:1 – 64 Kornelius, 1:2 – 81 Shomurodov.“Trabzonspor”: Chaqir, Qo‘ybashi (Tronnsen, 63), Vitor Ugo, Bruno Peres, Ie, Hamshik, O‘zdemir (O‘myur, 77), Jervinyo (Kornelius, 63), Bakasetas, Nvakaeme, Janini (Koyta, 83).
“Roma”: Ruy Patrisiu, Karsdorp, Manchini, Vinya, Rojer, Mxitaryan (Karles Peres, 82), Veretu, Kristante, Pellegrini, Zaniolo, Shomurodov (Mayoral, 82).
Ogohlantirishlar: Bruno Peres (14), Vinya (15), Ie (51).
Izoh (0)