«Рома» 19 август, пайшанба куни Европа Конференциялар Лигасининг саралаш ўйинида Туркиянинг «Трабзонспор» клуби билан куч синашди.
Трабзонда кечган баҳснинг биринчи бўлимида жамоалар эҳтиёткор ўйин кўрсатди ва дарвозалар дахлсиз қолди.
Иккинчи 45 дақиқаликда жамоалар умумий ҳисобда 3 та гол урди. 55-дақиқада Лоренцо Пеллегрини Генрих Мхитаряннинг узатмасини голга айлантирди ва «Рома»ни ҳисобда олдинга олиб чиқди. 64-дақиқада Андреас Корнелиус қанотдан оширилган тўпни боши билан римликлар дарвозасига жойлаб қўйди ва мувозанатни тиклади. 81-дақиқада эса ўзбекистонлик ҳужумчи Элдор Шомуродов «Рома»га ғалаба келтирган голга муаллифлик қилди.
Голдан сўнг Жозе Моуриньо Шомуродовни захирага олди. Жамоаларнинг жавоб учрашуви 26 август санасида Римда бўлиб ўтади.
Конференциялар Лигаси
Саралаш босқичи, 1-ўйин
«Трабзонспор» Туркия – «Рома» Италия 1:2
Голлар: 0:1 – 55 Пеллегрини, 1:1 – 64 Корнелиус, 1:2 – 81 Шомуродов.«Трабзонспор»: Чақир, Қўйбаши (Троннсен, 63), Витор Уго, Бруно Перес, Иэ, Ҳамшик, Ўздемир (Ўмюр, 77), Жервиньо (Корнелиус, 63), Бакасетас, Нвакаэме, Жанини (Койта, 83).
«Рома»: Руй Патрисиу, Карсдорп, Манчини, Виня, Рожер, Мхитарян (Карлес Перес, 82), Верету, Кристанте, Пеллегрини, Заниоло, Шомуродов (Майораль, 82).
Огоҳлантиришлар: Бруно Перес (14), Виня (15), Иэ (51).
Изоҳ (0)