Namangan viloyati Uychi tumanida Damas 12 yoshli qizni urib yubordi, deya xabar bermoqda viloyat IIB axborot xizmati.
Qayd etilishicha, 2021-yil 9-avgust kuni soat 13:30 larda Uychi tumani “Shaftoli” MFY hududida 1987-yilda tug‘ilgan fuqaro Damas rusumli avtomashinasini boshqarib borayotib, harakat xavfsizligini ta’minlay olmay, yo‘lni kesib o‘tayotgan piyoda, Uychi tumanida ota-onasi qaramog‘ida yashagan, tumandagi maktabning 4-sinfida o‘qigan, 2009-yilda tug‘ilgan qizni urib yuborgan.
Oqibatda piyoda olgan tan jarohati sababli shifoxonada vafot etgan.
Ushbu holat bo‘yicha Uychi tuman IIB huzuridagi TB tomonidan 2021-yil 16-avgust kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Bundan avval Samarqandda boshqaruvni yo‘qotgan Lacetti ikkita “Jiguli” va Damas’ga urilgani, Navoiyda boshqaruvni yo‘qotgan Nexia ag‘darilib ketgani hamda Jizzaxda Cobalt va “ZIL” to‘qnashuvi oqibatida yo‘lovchi halok bo‘lgani haqida xabar berilgandi.
Izoh (0)