15-avgust kuni Rossiyadan xizmat safaridan qaytib kelgan Surxondaryo viloyati hokimi To‘ra Bobolov Termiz shahrining qo‘shni Afg‘oniston davlati bilan chegaradosh “Pattakesar”,“ Nurli kelajak” hamda “A.Jomiy” mahallalarida bo‘lib, oqsoqollar va mehnat faxriylari bilan suhbatlashdi, deb xabar bermoqda O‘zA.
Uchrashuvda viloyat rahbari qo‘shni davlatda yuzaga kelgan harbiy-siyosiy vaziyat haqida atroflicha ma’lumot berib, O‘zbekistonning davlat chegarasini qo‘riqlash va himoya qilish kuchaytirilgan tartibda olib borilayotganini, Termizda xavfsizlik idoralari rahbarlari va davlat hokimiyati organlari vakillaridan iborat tezkor shtab faoliyati yo‘lga qo‘yilib, quruqlik va suvda sarhadlarni qo‘riqlash uchun barcha zarur xavfsizlik choralari ko‘rilganini ma’lum qildi.
“Hech qanday xavotirga o‘rin yo‘q. Termiz—Hayraton ko‘prigi hududida vaziyat barqaror. Ko‘prikning Afg‘oniston qismida to‘plangan Afg‘oniston fuqarolarining asosiy qismi ko‘prikni va unga tutash hududni mustaqil ravishda tark etdi. Bunga faol siyosiy va diplomatik sa’y-harakatlar, shuningdek, olib borilgan tushuntirish ishlari natijasida erishildi”, — degan To‘ra Bobolov.
Uchrashuvlar yakunida viloyat hokimi chegara hududlarda yashayotgan aholining turmush tarzi bilan tanishib, ularning taklif va tavsiyalarini ham eshitgan.
Mavzuga doir:
- “Afg‘onistondagi o‘zbeklar uchun sinovli kunlar boshlandi”. Qonunchilik palatasi spikeri o‘rinbosari Afg‘onistondagi vaziyat haqida munosabat bildirdi
- “Ixtilofga aloqador barcha tomonlarni kuch ishlatishdan tiyilishga hamda tinch aholi orasida qurbonlar bo‘lishiga yo‘l qo‘ymaslikka chaqiramiz” — Maqsuda Vorisova
- “Boshpana so‘ragan afg‘onistonlik qochqinlar bo‘yicha insonparvarlik tamoyillariga mos harakat qilinishi lozim” — Alisher Qodirov
- “Afg‘onistondagi vaziyat yumshab, O‘zbekiston manfaatlari va tinchligi yo‘lida hal bo‘lishidan umidvormiz” — senator Alisher Sa’dullayev
Izoh (0)