Buxoro viloyati hokimiga yangi o‘rinbosar — viloyat Investitsiyalar va tashqi savdo boshqarmasi boshlig‘i kotibiyati mudiri tayinlandi. Bu haqda “Daryo”ga viloyat hokimi matbuot xizmati rahbari Olim Jo‘rayev xabar berdi.
Ta’kidlanishicha, ushbu lavozimga ayni kunga qadar Buxoro viloyati hokimligi apparati ilm-fan va innovatsiyalar sho‘basi mudiri vazifasida faoliyat yuritib kelgan Feruz Karimov tasdiqlangan.
Feruz Karimov 1987-yil 5-mart kuni Buxoro shahrida tug‘ilgan bo‘lib, 2012-yilda Buyuk Britaniyaning London shahridagi Pimlico Academy London kollejini, 2014-yilda Toshkent moliya institutini, 2016-yilda Toshkent moliya institutining magistraturasini tamomlagan.
Mehnat faoliyatini 2016-yilda “Sharqiy Maslak” MChJ auditorlik tashkiloti yordamchi auditori sifatida boshlab, viloyat Investitsiya boshqarmasi bosh mutaxassisi, viloyat Investitsiya boshqarmasi xorijiy investitsiyalarni jalb etish bo‘limi boshlig‘i, viloyat Investitsiyalar va tashqi savdo boshqarmasi boshlig‘ining kotibiyati bosh mutaxassisi lavozimlarida ishlagan.
Eslatib o‘tamiz, 2021-yilning mart oyida Buxoro hokimi o‘rinbosari — viloyat Investitsiyalar va tashqi savdo boshqarmasi boshlig‘i kotibiyati mudiri G‘ijduvon erkin iqtisodiy zonasiga rahbar etib tayinlangan edi.
Mavzuga doir:
- Buxoro viloyati davlat soliq boshqarmasi boshlig‘i G‘ijduvon tumani hokimi etib tayinlandi
- Xorazm bandlik bosh boshqarmasi boshlig‘i Xiva tumani hokimi vazifasini bajaruvchi etib tayinlandi
- Guliston tumanida “to‘rtlik” almashdi. Tovar-xomashyo birjasi Sirdaryo viloyati filiali direktori Guliston hokimi etib tayinlandi
Izoh (0)