Бухоро вилояти ҳокимига янги ўринбосар — вилоят Инвестициялар ва ташқи савдо бошқармаси бошлиғи котибияти мудири тайинланди. Бу ҳақда «Дарё»га вилоят ҳокими матбуот хизмати раҳбари Олим Жўраев хабар берди.
Таъкидланишича, ушбу лавозимга айни кунга қадар Бухоро вилояти ҳокимлиги аппарати илм-фан ва инновациялар шўъбаси мудири вазифасида фаолият юритиб келган Феруз Каримов тасдиқланган.
Феруз Каримов 1987 йил 5 март куни Бухоро шаҳрида туғилган бўлиб, 2012 йилда Буюк Британиянинг Лондон шаҳридаги Pimlico Academy London коллежини, 2014 йилда Тошкент молия институтини, 2016 йилда Тошкент молия институтининг магистратурасини тамомлаган.
Меҳнат фаолиятини 2016 йилда «Шарқий Maslak» МЧЖ аудиторлик ташкилоти ёрдамчи аудитори сифатида бошлаб, вилоят Инвестиция бошқармаси бош мутахассиси, вилоят Инвестиция бошқармаси хорижий инвестицияларни жалб этиш бўлими бошлиғи, вилоят Инвестициялар ва ташқи савдо бошқармаси бошлиғининг котибияти бош мутахассиси лавозимларида ишлаган.
Эслатиб ўтамиз, 2021 йилнинг март ойида Бухоро ҳокими ўринбосари — вилоят Инвестициялар ва ташқи савдо бошқармаси бошлиғи котибияти мудири Ғиждувон эркин иқтисодий зонасига раҳбар этиб тайинланган эди.
Мавзуга доир:
- Бухоро вилояти давлат солиқ бошқармаси бошлиғи Ғиждувон тумани ҳокими этиб тайинланди
- Хоразм бандлик бош бошқармаси бошлиғи Хива тумани ҳокими вазифасини бажарувчи этиб тайинланди
- Гулистон туманида «тўртлик» алмашди. Товар-хом ашё биржаси Сирдарё вилояти филиали директори Гулистон ҳокими этиб тайинланди
Изоҳ (0)